Starfsmennt logo

Viðurkenndur bókari

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Viðurkenndur bókari - Nám hjá MK, EHÍ, HR, Promennt og NTV

Starfsmennt býður félagsmönnum sínum að greiða fyrir nám til undirbúnings fyrir próf til viðurkenningar bókara á vegum atvinnuvega- og nýsköpunarráðuneytisins skv. 43. grein laga nr. 145/1994 um bókhald. Námið er boðið í samstarfi við Menntaskólann í Kópavogi, Opna háskólann í HR, Prómennt  og Endurmenntun Háskóla Íslands og greiðir Starfsmennt innritunar- og einingagjöld. Nemendur geri ráð fyrir að greiða próftökugjald sjálfir.

Menntaskólinn í Kópavogi

Námið er einkum ætlað þeim sem starfa eða hafa hug á starfi á sviðum bókhalds-, fjármála- og hagdeilda fyrirtækja og stofnana. Þátttakendur skulu hafa lokið skrifstofubraut II, stúdentsprófi af viðskipta- og hagfræðibraut eða hafi góða þekkingu á Excel og reynslu af bókhaldsstörfum á vinnumarkaði. Nemendur sem lokið hafa skrifstofubraut II í Menntaskólanum í Kópavogi ganga fyrir um skólavist hjá MK. 

Endurmenntun Háskóla Íslands

Námið er einkum ætlað þeim sem starfa eða hafa hug á starfi á sviðum bókhalds-, fjármála- og hagdeilda fyrirtækja og stofnana. 
Mælt er með því að umsækjendur hafi starfað við bókhald og hafi haldgóða þekkingu og reynslu af bókhaldsstörfum og Excel töflureikni.

Opni háskólinn í Reykjavík

Mælt er með því að umsækjendur hafi unnið við bókhald í amk 2-3 ár og hafi á þeim tíma sinnt margvíslegum og krefjandi bókhaldsstörfum.
Góð reynsla og þekking á Excel, bókhaldi, reikningshaldi og skattalegum atriðum er nauðsynleg.
Námið er eitt misseri og skiptist í þrjá hluta: Reikningshald, skattskil og upplýsingatækni.

Promennt

Um er að ræða mjög gagnlegt og áhugavert nám sem gerir miklar kröfur til nemenda. Þetta nám hentar þeim sem vilja skapa sér sterkari stöðu á vinnumarkaði með aukinni menntun og hafa áhuga á að ná frama á sviðum bókhalds-, fjármála- og hagdeilda fyrirtækja og stofnana og styrkja kunnáttu sína. Þátttakendur þurfa að hafa góða almenna tölvukunnáttu, hafa reynslu af bókhaldsstörfum og/eða lokið grunnnámi í bókhaldi (Bókhald grunnur og Bókaranám fyrir lengra komna).

Aðeins er greitt fyrir 5. hluta (Viðurkenndur bókari).

NTV

Kenndar eru þær viðbætur sem nemendur úr Bókaranámi framhald þurfa til að geta tekið þau þrjú próf sem gefa gráðuna „Viðurkenndur bókari“. Þessi próf eru haldin á haustin á vegum Atvinnuvega- og nýsköpunarráðuneytisins. Prófgjöld eru ekki innifalin í námskeiðsverði okkar. Mjög mikilvægt er að nemendur nýti vel sumarið í lestur og sjálfsnám.

Aðeins er greitt fyrir þriðja námskeiðið (Að viðurkenndum bókara). Athygli er vakin á því að ætlast er til að nemendur séu með eigin fartölvur í þessum hluta námsins.

Umsækendur sækja bæði um hjá Starfsmennt og hjá viðkomandi skóla.
Starfsmennt greiðir námið aðeins einu sinni fyrir hvern aðildarfélaga.
Nemendur greiða prófgjöld sjálfir.


Athugið

Engin námskeið á döfinni í þessum flokki. Vinsamlegast líttu við síðar!