Raunfærnimat til styttingar á Háskólabrú Keilis

17.09.2018 09:56

Fimmtudaginn 11. október, kl. 17.00, verður haldinn kynningarfundur hjá Starfsmennt um raunfærnimat á móti námskrá Háskólabrúar Keilis. Matið getur stytt leið þátttakenda að lokaprófi af Háskólabrú Keilis umtalsvert. 

Komdu og kynntu þér málið! Ef þú ert 23 ára eða eldri, með samtals þriggja ára almenna starfsreynslu og hefur lokið að lágmarki 70 einingum úr framhaldsskóla gætirðu átt erindi í raunfærnimat.

 

Hvað er raunfærnimat?

Markmiðið með raunfærnimati er að einstaklingur fái viðurkennda þá færni sem hann býr yfir, sama hvernig hún er tilkomin, þannig að hann þurfi ekki að sækja formlegt nám í því sem hann kann.

Nánari upplýsingar um raunfærnimat er að finna á vef Fræðslumiðstöðvar atvinnulífsins og á vefnum Næsta skref.

Hvað er Háskólabrú Keilis?

Háskólabrú Keilis býður upp á nám fyrir einstaklinga sem hafa ekki lokið stúdentsprófi og uppfylla nemendur að loknu náminu inntökuskilyrði í allar deildir Háskóla Íslands. Auk þess hafa útskrifaðir nemendur fengið inngöngu í nám í öðrum háskólum bæði hérlendis og erlendis.

Nánari upplýsingar er að finna á vef Keilis.

Hvaða einingum er mikilvægast að hafa lokið?

Mikilvægast er að hafa lokið 6 einingum í stærðfræði, 6 einingum í íslensku og 6 einingum í ensku.

Hvað kostar þetta?

Verkefnið er unnið í samvinnu við Fræðslumiðstöð atvinnulífsins með styrk úr Fræðslusjóði og er því raunfærnimatið þátttakendum að kostnaðarlausu.

Hvar fær ég meiri upplýsingar?

Upplýsingar um raunfærnimatið og tilhögun þess veitir Sólborg Alda Pétursdóttir náms- og starfsráðgjafi hjá Starfsmennt í síma 550 0060, solborg@smennt.is.

Upplýsingar um nám og inntökuskilyrði Háskólabrúar Keilis veitir Skúli Freyr Brynjólfsson náms- og starfsráðgjafi hjá Keili í síma 578 4000, skuli.b@keilir.is.

Þú getur einnig mætt á kynningarfund til okkar fimmtudaginn 11. október kl. 17.00. Þar segjum við frá öllu því sem þú þarft að vita um raunfærnimat og samvinnuna við Keili. 

Smelltu hér til að skrá þig á kynningarfundinn.

Til baka
Fannst þér efnið á síðunni hjálplegt?Nei
Takk fyrir

Ábending þín er móttekin

Afhverju ekki?