Starfsmennt logo

Tegund af námi

Nám stofnana
Nám fyrir alla
Nám um kjör og velferð
Nám starfsgreina

Jafnlaunastaðall - Starfaflokkun - Einnig fjarkennt

Helstu upplýsingar

  • Nám hefst 11. október 2017
  • 3 klst.
  • 8.000 kr.
  • Námskeiðið er ætlað öllum þeim sem gegna leiðandi hlutverki við innleiðingu jafnlaunastaðalsins á sínum vinnustað.
Skráningu á þetta námskeið hefur verið lokað!Setja í dagatal

Námslýsing

Námskeiðið er hluti af undirbúningsferli vegna innleiðingar jafnlaunastaðalsins ÍST 85:2012. Áreiðanleg og málefnalega rökstudd aðferð við flokkun starfa er lykilatriði í því að vel takist að ná markmiðum um launajafnrétti. Fyrirtæki og stofnanir sem vilja fá jafnlaunavottun á grundvelli staðalsins verða að ákvarða þau viðmið sem lögð skulu til grundvallar flokkun starfa og í framhaldi af því að flokka öll störf samkvæmt þeim.

Á námskeiðinu er fjallað almennt um hugmyndafræðina að baki flokkun starfa, viðmiða og ólíkar aðferðir við starfaflokkun. Einnig er farið yfir verklag og ferli starfaflokkunar skref fyrir skref og hvað felst í þeirri vinnu.

Þátttakendum er leiðbeint um flokkun starfa og fá þeir aðgang að verkfærum og líkönum sem þeir geta nýtt á sínum vinnustað.

Helstu efnisþættir:

  • Ferli við flokkun starfa og verklag.
  • Aðferðir starfaflokkunar og val á aðferðafræði.
  • Ákvörðun og skilgreining viðmiða sem lögð eru til grundvallar flokkunar starfa.
  • Flokkun starfa samkvæmt viðmiðum.
  • Prófun á starfaflokkun og tenging við launaákvörðun.
  • Verkfæri og líkön sem nýta má til flokkunar starfa.
  • Ávinningur starfaflokkunar og helstu hindranir.

Sjóðir sem endurgreiða námskeiðsgjöld:
Starfsmenntasjóður verslunar- og skrifstofufólksÞróunar- og símenntunarsjóður SFRÞróunar- og símenntunarsjóður bæjarstarfsmanna hjá ríkinu, Mannauðssjóður KjalarMannauðssjóður SamflotsinsMannauðssjóður KSGRíkismenntLandsmenntSveitamenntStarfsafl og Starfsþróunarsetur háskólamanna

Jafnlaunastaðall - námskrá.
Samstarfsyfirlýsing um jafnlaunavottun.

Næsta námskeið er Launagreining haldið 25. október.



Markmið

  • Að öðlast skilning á starfaflokkun, tilgangi hennar og ólíkum aðferðum.
  • Að þekkja ferli starfaflokkunar og verklag.
  • Að öðlast færni til að framkvæma starfaflokkun, s.s. skilgreina viðmið og flokka störf á grundvelli þeirra.
  • Að fá tækifæri til að miðla og læra af öðrum í sömu sporum varðandi flokkun starfa.
Skráningu á þetta námskeið hefur verið lokað!

Dagskrá

DagsetningNámsþátturTími fráTími tilKennari
11.10.2017Starfaflokkun09:0012:00Guðný Einarsdóttir, sérfræðingur hjá Kjara- og mannauðssýslu ríkisins.

Fyrirkomulag

Kennsla fer fram með fyrirlestrum, umræðum og verkefnum. 

Tengiliður námskeiðs

Björg Valsdóttir

Björg Valsdóttir

bjorg(hjá)smennt.is
550 0060
Prenta námskeið

Staður og stund

Skipholt 50b, 105 Reykjavík.
Miðvikudagur 11. október frá kl. 9:00-12:00.

Umsjón

Guðný Einarsdóttir, sérfræðingur hjá Kjara- og mannauðssýslu ríkisins.

Samstarfsaðilar

Starfsmenntasjóður verslunar- og skrifstofufólks, Þróunar- og símenntunarsjóður SFR, Þróunar- og símenntunarsjóður bæjarstarfsmanna hjá ríkinu, Mannauðssjóður Kjalar, Mannauðssjóður Samflotsins, Mannauðssjóður KSG, Ríkismennt, Landsmennt, Sveitamennt, Starfsafl og Starfsþróunarsetur háskólamanna. 

Gott að vita

Hver vill ekki styðja við launajafnrétti? Fjöldi fræðslu-og mannauðssjóða í eigu aðila á vinnumarkaði endurgreiða stofnunum og fyrirtækjum námskeiðskostnaðinn.  Skila þarf inn kvittun og þátttökuskjali gegn endurgreiðslu.

Mat

Til þess að útskrifast af námskeiði þarf 100% mætingu.