Trúnaðarmenn Sameykis | Trúnaðarmenn sem boðberar geðheilsu - Vinnustofa

Trúnaðarmenn gegna mikilvægu hlutverki við að gæta velferðar og hagsmuna samstarfsfólks. Vinnustofan Boðberar geðheilsu (e. Mental Health Champions) er hönnuð til að lyfta þessu mikilvæga hlutverki trúnaðarmanna og útbúa þá með verkfærum og þekkingu til að verða boðberar geðheilsu á sínum vinnustöðum. 

Vinnustofunni er ætlað að auka vitund trúnaðarmanna og skilning á andlegu heilbrigði á vinnustað og að byggja upp færni og sjálfstraust til að stuðla að opinskárri umræðu um geðheilbrigði, bera kennsl á vanda í uppsiglingu og bregðast við á viðeigandi hátt með forvarnir að leiðarljósi og hlúa að eigin geðheilbrigði og þeirra sem í kringum þau eru.

Í samræmi við  leiðbeinandi viðmið Alþjóðaheilbrigðismálastofnunarinnar (WHO) um geðheilbrigði á vinnustað (2022), tekur vinnustofan á gagnreyndum leiðbeiningum stofnunarinnar til að efla geðheilbrigði, auka forvarnir og stuðla að velmegun þess starfsfólks sem stendur frammi fyrir geðheilbrigðisáskorunum á vinnustað sjá hér.