Í takt við tímann – Græn skref í átt að sjálfbærari framtíð - Vefnám

Það er mikilvægt að við séum öll með á nótunum um ástand heimsins og hvaða möguleika einstaklingar hafa til að hafa áhrif. Fjallað verður um mikilvæg mál sem varða okkur öll  svo sem sjálfbæra þróun, Heimsmarkmiðin og loftslagsmálin.

Á námskeiðinu verður góð blanda fyrirlestra, hópverkefna og leikja og verður varpað ljósi á þau tækifæri sem hver og einn hefur til að vera ábyrgur og framsýnn borgari.

Þátttakenndur munu í lok námskeiðsins búa til sinn eigin markmiða- og aðgerðalista um þau skref sem hann/hún vill taka til að minnka sitt vist- og kolefnisspor með sjálfbæra þróun að leiðarljósi.

Markmið:

• Að skilja hugtökin sjálfbær þróun, Heimsmarkmið Sameinuðu þjóðanna, vistspor og kolefnisspor.
• Að skilja og vera meðvituð um ástæður og afleiðingar loftlagsbreytinga.
• Að efla áhuga og vilja til að minnka eigið vist- og kolefnisspor.
• Að búa til eigin aðgerðalista til að minnka vist- og kolefnisspor.
• Að efla samvinnu og samfélagsanda með sjálfbærni að leiðarljósi.
• Að efla getu til aðgerða.