Fangelsismálastofnun | Ræddu við ráðgjafann

Ráðgjafi Starfsmenntar hjálpar þér að koma auga á styrkleika og sóknarfæri í þinni starfsþróun. Ráðgjöfin getur nýst sem undirbúningur fyrir komandi starfsmannasamtöl.

Hægt er að ræða við ráðgjafa í síma, í ráðgjafarými Starfsmenntar eða á fjarfundi á Teams. Dagur og tími er að eigin vali í samráði við ráðgjafa.

Meginmarkmið ráðgjafarinnar er að efla vitund einstaklinga um styrkleika sína, viðhorf og áhuga svo þeir geti betur notið sín í lífi og starfi. 

Ráðgjafi getur meðal annars aðstoðað þig við að:

• finna leiðir til að styrkja þig og þróa í starfi
• kortleggja áhugasvið þín og tengja þau við nám, námskeið og/eða störf
• vega og meta hin ýmsu störf og starfssvið
  
• finna áhugavert tómstundastarf
  

Þá stendur til boða að taka áhugasviðskönnun sem getur hjálpað einstaklingum að greina og kynnast áhugasviði sínu en sjálfsþekkingin þaðan getur komið að gagni í námi, starfi og tómstundum.