Grunnur að góðri teymisvinnu

Rannsóknir sýna að í góðum og sterkum teymum eru teknar betri ákvarðanir á skemmri tíma þar sem hæfni allra nýtist vel og skoðanir allra eru virtar.

Góð teymi skapa forystu í samkeppni og það er skemmtilegra að vinna í sterku teymi. 
Á námskeiðinu verður farið yfir hvernig við getum lagt grunn að góðri teymisvinnu og hvernig við getum varast að detta í pytti sem eyða tíma og orku í pólitík, ringulreið og ágreining sem spillir fyrir. 
Fjallað verður um þau fimm atriði sem einkenna aðferðafræði Behaviors of a Cohesive Team:

1. Traust: opin og hreinskilin samskipti milli manna.
2. Ágreiningur: hugrekki til að skiptast á skoðunum þó þær séu ólíkar, öll sjónarmið eru rædd.
3. Skuldbinding: sameiginleg niðurstaða fengin og þátttakendur skuldbinda sig þeirri ákvörðun sem er tekin.
4. Ábyrgð: Abyrgðarmenning í teymi, liðsmenn geta bent á mistök hvers annars.
5. Árangur: Sameiginleg markmið, árangur liðsins tekinn fram yfir einstaklingsmiðuð markmið.