Opinber vinnumarkaður, kjarasamningar og ákvörðun launa - stofnanasamningar ríkisins

Farið verður yfir íslenskan vinnumarkað og hvað greinir opinbera markaðinn frá þeim almenna. Greint er frá helstu hagsmunaaðilum sem takast á og semja um kaup og kjör. Fjallað er um ríki sem vinnuveitanda m.a. út frá hugmyndafræði, stærð og samsetningu vinnuafls.

Einnig verður fjallað um samningsrétt og gerð kjarasamninga. Gefin er yfirsýn yfir þau kerfi sem farið er eftir við launasetningu starfsmanna hjá ríkinu. Þá er einnig fjallað um meginmarkmið jafnlaunavottunar.

Helstu efnisþættir námskeiðsins eru:

• Skipting vinnumarkaðarins; Samningsaðilar, samningsaðild/félagafrelsi; samningar við heildarsamtök
• Kjarasamningar
• Verkföll (verkfallslistar - embættismenn)
• Regluverkið um starfsmenn ríkis, starfsmannalög og lög um kjarasamninga opinberra starfsmanna.
• Stjórnsýsluréttur og stjórnsýslulögin
• Launasetning skv. kjarasamningum og stofnanasamningum
• Tilgangur stofnanasamninga
• Stutt kynning á Jafnlaunastaðli ÍST85 og forsendum jafnlaunavottunar.