Upplýsingalæsi í daglegu lífi - veffyrirlestur kl. 9 - 9:30

Finndu það sem þú leitar að á netinu! 

Við erum stöðugt að leita að einhverjum upplýsingum á netinu. Hvernig er best leita til að fá nákvæmustu niðurstöðurnar? Hvað þýðir upplýsingalæsi og hvaða máli skiptir það? Hvernig beitum við upplýsingalæsi í daglegu lífi?

Í erindinu bendir Irma á leiðir til að efla upplýsingalæsi sem nýtist bæði í daglegu lífi og starfi með því að svara ofangreindum spurningum og fleirum. Skráðu þig á fyrirlesturinn til að verða enn flinkari og fljótari að leita að því sem þig vantar á netinu.
 
Irma Hrönn Martinsdóttir er upplýsingafræðingur starfandi við Háskólann í Reykjavík og formaður Vinnuhóps íslenskra háskólabókasafna um upplýsingalæsi. 

Erindið er hluti af fyrirlestraröð um almenna stafræna hæfni í tilefni af 20 ára afmæli Starfsmenntar.