Samningatækni

Á námskeiðinu eru þátttakendur markvisst þjálfaðir til að ná aukinni færni í samningagerð,hvort sem um er að ræða formlega eða óformlega samninga. Verður m.a. farið yfir lykilþætti árangursríkrar samningatækni og kynntar leiðir til að ná fram meiri árangri í samningaviðræðum og stuðla að lausnamiðaðri nálgun við samningsaðila.

Hluti námskeiðsins felst í undirbúningi fyrir samningaviðræður. Þátttakendur læra ýmsar gagnlegar aðferðir við uppbyggingu á árangursríku samningaferli og mismunandi tækni við að mæta ólíkum samningsmönnum. Loks verður vikið að siðfræði í samnningaviðræðum.

Á námskeiðinu verður m.a. fjallað um:

  • Markvissan undirbúning fyrir samningaviðræður.
  • Gagnlegar aðferðir við uppbyggingu á árangursríku samningaferli.
  • Tækni til að mæta ólíkum samningamönnum.
  • Hvernig hægt er að ná árangri í samningaviðræðum.


Hæfniviðmið

Að auka færni í samningaviðræðum til að ná meiri árangri og byggja upp aukið sjálfstraust til að takast á við krefjandi aðstæður.

Að geta beitt skapandi hugsun við úrlausn mála.

Fyrirkomulag

Námskeiðið er vefnám á stafrænu formi sem gerir þátttakendum kleyft að fara yfir efnið á þeim stað og tíma sem hentar.

Eftir skráningu hjá Starfsmennt þarf að bíða eftir næsta virka degi, þá kemur póstur frá Opna Háskólanum í HR sem veitir aðgang að námssvæði námskeiðisins (kennslukerfi Opna háskólans).

Ef þátttakandi er þegar skráður með aðgang hjá Opna Háskólanum í HR mun viðkomandi fá póst frá Starfsmennt til að skrá sig á námskeiðið beint hjá þeim en með greiðsluupplýsingum Starfsmenntar.

Helstu upplýsingar

  • Tími
    Skráning er opin til 9. september 2024, kl. 09.00 en upphafið er valfrjálst.
  • Lengd
    1,25 klst.
  • Umsjón
    Elmar Hallgríms Hallgrímsson, framkvæmdastjóri hjá Ösp líftryggingarfelagi
  • Staðsetning
    Vefnám utan rauntíma sem hægt er að nálgast hvar og hvenær sem er á námstímanum
  • Tegund
    Vefnám
  • Verð
    Án kostnaðar / Námskeiðið er félagsfólki aðildarfélaga og samstarfssjóða að kostnaðarlausu
  • Markhópur
    Fyrir öll sem vilja auka færni sína í samningaviðræðum og læra að beita skapandi hugsun við að hámarka virði einstakra samningaviðræðna.
  • Gott að vita

    Eingöngu félagsfólk aðildarfélaga Starfsmenntar getur skráð sig hér á námskeiðið. Félagsfólk BHM með aðild að Starfsþróunarsetri háskólamanna sem hyggst skrá sig á þetta námskeið verður að hafa samband við Starfsmennt. Aðrir skrá sig hjá Opna Háskólanum í HR.

Skrá mig
  • Mat
    Áhorf
  • Tengiliður námskeiðs
    Soffía G. Santacroce

Dagskrá

DagsetningDagskráFráTilKennari
09.09.2024Samningatækni09:0010:25Elmar Hallgríms Hallgrímsson