Skatturinn | Róandi samtalstækni

Það virðist færast í aukana að starfsfólk þjónustustofnana eigi samskipti við fólk sem er á einhvern hátt ósátt og lætur óánægju sína og reiði í ljós við starfsfólkið. Slík hegðun er afar truflandi og getur í sumum tilfellum stigmagnast auðveldlega og skapað þar með öryggisógnun. Ein leið til að lækka spennustigið er að starfsfólkið tileinki sér verklag sem heitir róandi samtalstækni.

Í þessari fræðslustund mun starfsfólk hjá Geðþjónustu Landspítalans ræða um þær meginreglur sem róandi samtalstækni byggir á, hvernig best er að stýra samtalinu inn á jákvæðar brautir og hvað ber að forðast.