Skatturinn | Stoppa tímann eða vera með?

- Vinnumarkaðurinn, vellíðan og seigla

Samfélagið og vinnumarkaðurinn hafa gengið í gegnum miklar og hraðar breytingar á undanförnum árum en hraði þeirra er nú enn meiri en áður. Nútímasamfélag krefst þess að við séum vel að okkur í upplýsingatækni og þróun en á sama tíma eigum við að hlúa að eigin andlegri heilsu.
Á þessu námskeiði verður farið yfir hvernig vinnumarkaðurinn er að breytast og hvernig  sé best að undirbúa sig og taka á móti þessum hröðu breytingum. Farið verður í atriði sem vinnusálfræði hefur fram að færa varðandi nútímann og breytingar á vinnumarkaðnum. Nú reynir meira á svokallaða „mjúka“ færni en áður, það reynir á sveigjanleika, seiglu og lausnamiðaða hugsun. Einnig verða skoðaðar leiðir til að efla sjálfsþekkingu, setja mörk og þekkja hvað nærir okkur.