Gæðavottun EQM (European Quality Mark)

12.12.2017

Í dag, 12. desember, fékk Fræðslusetrið Starfsmennt afhenta formlega viðurkenningu frá Fræðslumiðstöð atvinnulífsins (FA) á endurnýjun EQM vottunar ásamt EQM+ vottunar. Gæðavottun EQM (European Quality Mark) staðfestir að setrið stenst evrópskar kröfur um gæði fræðslustarfseminnar og EQM+ staðfestir gæði raunfærnimats og náms- og starfsráðgjafar.

Starfsmenn Tollstjóra útskrifast

11.12.2017

Síðastliðinn föstudag útskrifuðust þessir 14 starfsmenn af innheimtusviði Tollstjóra úr námsleiðinni SKIL. Nafnið SKIL samanstendur af upphafsstöfum markmiða embættis tollstjóra, starfsþróun, kunnáttu, innsýn og leikn. Námið er 228 klukkustundir.

Námsvísir vetrarins

03.10.2017

Nýr námsvísir fyrir veturinn ætti nú að hafa borist öllum aðildarfélögum okkar. Námsvísirinn inniheldur fjölda nýrra og spennandi námskeiða, auk yfirlits yfir þá þjónustu sem Starfsmennt veitir aðildarfélögum sínum. Við hvetjum ykkur til að kíkja á bæklinginn og skrá ykkur sem fyrst. Vert er að minna á að öll þjónusta okkar er aðildarfélögum að kostnaðarlausum en opin öðrum gegn gjaldi.

Frumvarp um jafnlaunavottun samþykkt

08.06.2017

Á dögunum var frumvarp félagsmálaráðherra, Þorsteins Víglundssonar, samþykkt á Alþingi. Frumvarpið kveður á um lögfestingu skyldu til jafnlaunavottunar meðal fyrirtækja og stofnana með 25 eða fleiri starfsmenn en meginmarkmið þess er að vinna gegn kynbundnum launamun og stuðla að jafnrétti kynjanna á vinnumarkaði. Fræðslusetrinu Starfsmennt var falið að halda utan um námskeið til að styðja við og auðvelda innleiðingu jafnlaunastaðals hjá stofnunum og fyrirtækjum.