Fríhafnarskólinn | Námskeiðslota 2025 - Verslun

Námslota Fríhafnarskólans 2025 fyrir verslun nefnist „Sjálfsefling, samvinna og sölufærni “ og verður áhersla skólans á þessi atriði. Námskeiðin eru ýmist kennd í námskerfum eða staðbundin.

Fjallað er meðal annars um sjálfseflingu og sjálfstraust, jákvætt hugarfar og hugarfar grósku. Farið verður í hvernig hægt er að stuðla að meiri sölu og stytta sölutímann (nýsala, krosssala, þarfagreining spurningartækni, mótbárur, lokun). Lögð er áhersla á að starfsfólk öðlist hæfni í menningarlæsi og verði betur í stakk búið til að takast á við fjölbreytileika mannflórunnar. Þá verður á dagskrá framhaldsnámskeið Vínskólans en í fyrri tveimur lotum var grunnnámskeið Vínskólans á dagskrá.  Þá verður fjallað um rétta líkamsbeitingu í verklegri vinnu.

Lotan samanstendur af sex námsþáttum. Hver námsþáttur er sjálfstæður en saman mynda þeir eina heild.

Eftirfarandi námsþættir verða á dagskrá:

Vínskóli - framhaldsnámskeið (í námskerfi)

Sjálfsefling og sjálfstraust - Jákvætt hugarfar-Hugarfar grósku-Frumkvæði (bæði í námskerfi og staðbundið)

Meiri sala, styttri sölutími, viðskiptamiðuð sölufærni (bæði í námskerfi og staðbundið)

Verkleg vinna-rétt líkamsbeiting (námskerfi)

Menningarlæsi (bæði í námskerfi og staðbundið)

Að hafa gaman í vinnunni (staðbundið)

Vörukynningar sem tengjast námsþáttunum verða staðbundnar og verður boðað sérstaklega til þeirra af Fríhöfninni. 

Frekari lýsingar á námskeiðunum verða settar inn síðar.