Launaskólinn

Launaskólinn er námsleið fyrir launafulltrúa og þau sem koma að kjara- og starfsmannamálum hjá ríki og sveitarfélögum. Það nýtist einnig stjórnendum sem koma að skipulagningu vinnutíma, vilja fá betri innsýn inn í framkvæmd launavinnslu eða auka hæfni sína á sviði starfsmannamála.

Námsleiðin er unnin í samstarfi fjármála- og efnahagsráðuneytis og Sambands íslenskra sveitarfélaga í gegnum samstarfsvettvang Starfsmenntar.

Eftirfarandi þemu eru tekin fyrir:

• Þema I - Opinber vinnumarkaður, ráðning, starfslok og starfsskyldur
• Þema II - Vinnutími og afgreiðsla launa
• Þema III - Fjarvera frá vinnu - launaðar og ólaunaðar fjarvistir
• Þema IV - Mannauður og starfsþróun
• Þema V - Meðferð persónuupplýsinga og skjalastjórnun
• Þema VI - Hlutverk og hæfni launafulltrúans

Þátttakendum stendur til boða áhugasviðsgreining og/eða viðtal við náms- og starfsráðgjafa.

Námskeiðin eru hluti af námsleiðinni Launaskólinn en engin krafa er gerð um að þátttakendur ljúki öllum námskeiðum námsleiðarinnar.