Skráning á þetta námskeið opnar þann 4. ágúst 2026 klukkan 10:00
Hvernig bregðumst við á öruggan og faglegan hátt þegar erfiðar aðstæður skapast í starfi?
Í starfi á heimilum og sambýlum fyrir fatlaða geta komið upp aðstæður sem reyna á viðbragð, yfirvegun og öryggi. Þetta námskeið fjallar um hvernig greina má snemmbúin merki um spennu eða vanlíðan sem geta þróast í átök og hvernig hægt er að bregðast við á rólegan og öruggan hátt áður en aðstæður magnast.
Áhersla er lögð á virðingu, öryggi og mannlega nálgun. Þátttakendur læra hvernig hægt er að draga úr spennu, styðja einstakling til jafnvægis og nota einföld varnarviðbrögð ef til árásar kemur, án þess að valda skaða. Námskeiðið byggir á hagnýtum dæmum og æfingum sem tengjast raunverulegum aðstæðum í starfi.
Að öðlast öryggi og færni til að bregðast við krefjandi aðstæðum á faglegan og öruggan hátt.
Að efla hæfni til að verja sig án þess að valda skaða og stuðla að ró og öryggi í umhverfinu.
Fyrirlestur, umræður og verklegar æfingar.
Skráningu lýkur tveimur virkum dögum áður en námskeið hefst
Án kostnaðar fyrir félagsfólk aðildarfélaga og samstarfssjóða