Fræðslusetrið Starfsmennt
Starfsmennt er fræðslusetur fyrir opinbert starfsfólk og opinberar stofnanir.
Starfsmennt var stofnað árið 2001 í kjölfar kjarasamninga og er í eigu fjármála- og efnahagsráðuneytis og flestra stéttarfélaga innan BSRB.
Þjónustan styður við færniþróun opinbers starfsfólks svo það geti betur tekist á við fjölbreytt verkefni og breytingar í starfsumhverfi sínu. Markviss færniþróun starfsfólks eykur möguleika stofnana til að þróast og ná að samræmast kröfum sem gerðar eru til þeirra á hverjum tíma fyrir sig.
Hlutverk og markmið
Meginhlutverkin eru:
- Að bjóða opinberum starfsmönnum víðtæka möguleika til menntunar og þroska.
- Að aðstoða stjórnendur við mótun vinnustaðamenningar og starfsumhverfis sem miðar að því að auka ánægju og hvatningu í starfi.
Markmið Starfsmenntar er að vera vettvangur fyrir samstarf um starfstengt nám, starfsþróun og ráðgjöf á sviði mannauðseflingar til að styðja við hágæða opinbera þjónustu.
Starfsmennt vill vera leiðandi starfsmenntar- og ráðgjafamiðstöð og eftirsóknarverður samstarfsaðili í viðleitni opinberra stofnana til að efla fagmennsku og færni í starfi og í að skapa uppbyggilegt og hvetjandi vinnuumhverfi
Fyrir greiðslur
Greiðslur til Starfsmenntar berist á bankareikning 0303-13-300674, kennitalan er 441001-2070
Vinsamlegast sendið kvittun fyrir millifærslu með skýringu á smennt@smennt.is.