Hvernig getur þú nýtt Copilot til að spara tíma, einfalda verkefni og finna nýjar leiðir í starfi?
Á námskeiðinu er farið yfir hvernig Copilot getur nýst við fjölbreytt verkefni, svo sem að svara fyrirspurnum, miðla upplýsingum til hagaðila, skrifa efni fyrir vef, yfirfara gögn og greina álitaefni.
Þátttakendur læra að setja fram skýr fyrirmæli og nýta samhengi, hlutverk, markmið, framsetningu og tón til að fá betri niðurstöður.
Sérstök áhersla er lögð á ábyrga notkun gervigreindar, persónuvernd og trúnað. Farið verður yfir það hvar mörkin liggja, hvað ber að varast og hvaða upplýsingar má setja inn.
Að lokum er skoðað hvernig teymi geta deilt fyrirmælum, vinnuaðferðum og gervigreindarerindrekum (agents) og byggt upp sameiginlegan þekkingarbanka sem nýtist í daglegu starfi.
Námskeiðið byggir á raunhæfum dæmum og stuttum æfingum sem henta bæði byrjendum og þeim sem lengra eru komnir. Dæmin miðast við bæði ókeypis og greiddan aðgang að Copilot.
Að nýta Copilot á markvissan hátt við fjölbreytt verkefni í daglegu starfi.
Að setja fram skýr og vel uppbyggð fyrirmæli til að fá gagnlegri og nákvæmari niðurstöður.
Að nota Copilot á ábyrgan hátt með hliðsjón af persónuvernd, trúnaði og áreiðanleika upplýsinga.
Að skilja hvernig gervigreindarerindrekar (agents) geta nýst til að einfalda endurtekin verkefni.
Að þekkja leiðir til að deila fyrirmælum, aðferðum og lausnum innan teyma og stuðla þannig að betri samvinnu.
Fyrirlestur, umræður og æfingar
Fyrri reynslu af Copilot er ekki krafist. Æskilegt er að mæta með eigin tölvu með aðgangi að Copilot (þarf ekki að vera greidd útgáfa).
Dr. Hanna Kristín Skaftadóttir Lektor og fagstjóri í viðskiptagreind
Staðnám
Skráningu lýkur 16. nóvember kl. 10
2 klst
Mæting og þátttaka
Ás styrktarfélag Ögurhvarfi 6, 203 Kópavogur
Án kostnaðar fyrir félagsfólk aðildarfélaga og samstarfssjóða
Aðeins ætlað starfsfólk sem starfar á skrifstofum hjá Ás styrktarfélagi.