Copilot fyrir fjármálasérfræðinga

Minni tími í gagnaúrvinnslu og skýrslugerð – meiri tími fyrir greiningu og ákvarðanatöku.

Viltu einfalda dagleg verkefni, spara tíma og nýta upplýsingar betur í fjármálastarfinu?

Á þessu verklega námskeiði lærir þú hvernig Copilot getur aðstoðað þig við að vinna úr gögnum, taka saman upplýsingar og útbúa skýrslur og kynningar. Áhersla er lögð á hagnýta notkun og dæmi sem endurspegla raunveruleg verkefni úr starfsumhverfi þátttakenda. Einnig verður lögð áhersla á gagnrýna yfirferð niðurstaðna og mikilvægi þess að sannreyna fjárhagsupplýsingar og útreikninga.

Þátttakendur eru hvattir til að horfa á grunnnámskeiðið um Microsoft 365 Copilot, sem samanstendur af sjö stuttum myndböndum, áður en þeir mæta á þetta staðbundna, hlutverkamiðaða námskeið. Myndböndin má finna í fræðslukerfum stærri stofnana og hjá Fjársýsluskólanum.

Námskeiðið er verklegt og sniðið að verkefnum fjármálafólks. Þátttakendur er hvattir til að koma með tölvurnar sínar til að vera innskráðir inn á sitt vinnusvæði. Ef lágmarksþátttöku er ekki náð fellur námskeiðið niður.

Námskeiðið er ætlað starfsfólki sem er með Microsoft 365 Copilot-leyfi, þ.e. Copilot sem er samþætt Microsoft 365 vinnuumhverfinu og nýtist meðal annars í Word, Excel, PowerPoint og fleiri forritum. Aðgangur að Copilot Chat einum og sér er því ekki það leyfi sem átt er við hér.