Copilot fyrir kennara

Minni tími í undirbúning og skipulag – meiri tími fyrir kennslu og nemendur.

Viltu einfalda undirbúning kennslu, spara tíma og fá nýjar hugmyndir að fjölbreyttum kennsluaðferðum?

Á þessu verklega námskeiði lærir þú hvernig Copilot getur aðstoðað þig við að skipuleggja kennslu, útbúa námsefni og þróa verkefni sem henta ólíkum þörfum nemenda. Áhersla er lögð á hagnýta notkun og dæmi sem endurspegla dagleg verkefni kennara. Einnig verður lögð áhersla á gagnrýna yfirferð niðurstaðna, ábyrga notkun gervigreindar og mikilvægi þess að gæta að persónuvernd og trúnaði þegar unnið er með upplýsingar um nemendur.

Þátttakendur eru hvattir til að horfa á grunnnámskeiðið um Microsoft 365 Copilot, sem samanstendur af sjö stuttum myndböndum, áður en þeir mæta á þetta staðbundna, hlutverkamiðaða námskeið. Myndböndin má finna í fræðslukerfum stærri stofnana og hjá Fjársýsluskólanum.

Námskeiðið er ætlað kennurum við framhaldsskóla og háskóla sem vilja nýta Copilot til að einfalda undirbúning, þróa kennsluefni og nýta gervigreind á markvissan hátt í daglegu starfi. Þátttakendur er hvattir til að koma með tölvurnar sínar til að vera innskráðir inn á sitt vinnusvæði. Ef lágmarksþátttöku er ekki náð fellur námskeiðið niður.

Námskeiðið er ætlað starfsfólki sem er með Microsoft 365 Copilot-leyfi, þ.e. Copilot sem er samþætt Microsoft 365 vinnuumhverfinu og nýtist meðal annars í Word, Excel, PowerPoint og fleiri forritum. Aðgangur að Copilot Chat einum og sér er því ekki það leyfi sem átt er við hér.