Copilot fyrir lögfræðinga

Minni tími í skjalavinnslu og upplýsingaleit – meiri tími fyrir lögfræðilega greiningu og ráðgjöf.

Viltu einfalda dagleg verkefni, spara tíma við yfirferð skjala og nýta upplýsingar á markvissari hátt?

Á þessu verklega námskeiði lærir þú hvernig Copilot getur aðstoðað þig við að vinna með lögfræðileg skjöl, taka saman upplýsingar og undirbúa drög að textum og minnisblöðum. Áhersla er lögð á hagnýta notkun, nákvæmni og ábyrga meðferð upplýsinga. Sérstök áhersla er lögð á gagnrýna yfirferð niðurstaðna, meðferð trúnaðarupplýsinga og mikilvægi þess að sannreyna lagatilvísanir og aðrar upplýsingar sem Copilot setur fram.

Þátttakendur eru hvattir til að horfa á grunnnámskeiðið um Microsoft 365 Copilot, sem samanstendur af sjö stuttum myndböndum, áður en þeir mæta á þetta staðbundna, hlutverkamiðaða námskeið. Myndböndin má finna í fræðslukerfum stærri stofnana og hjá Fjársýsluskólanum.

Námskeiðið er verklegt og sniðið að verkefnum lögfræðinga. Þátttakendur er hvattir til að koma með tölvurnar sínar til að vera innskráðir inn á sitt vinnusvæði. Ef lágmarksþátttöku er ekki náð fellur námskeiðið niður.

Námskeiðið er ætlað starfsfólki sem er með Microsoft 365 Copilot-leyfi, þ.e. Copilot sem er samþætt Microsoft 365 vinnuumhverfinu og nýtist meðal annars í Word, Excel, PowerPoint og fleiri forritum. Aðgangur að Copilot Chat einum og sér er því ekki það leyfi sem átt er við hér.