Lögð er áhersla á að nemendur öðlist færni í að ganga frá farmi á öruggan hátt og kunni að nota viðeigandi festibúnað fyrir mismunandi tegundir farms. Markmiðið er að tryggja að hleðsla raski ekki jafnvægi ökutækis og valdi ekki hættu í umferðinni. Jafnframt er farið yfir reglur um notkun farm- og fylgiskjala, hvort sem um er að ræða flutninga innanlands eða á milli landa, svo bílstjórar séu færir um að fylgja opinberum kröfum um skráningu og flutningsskilmála.
Ljúka þarf fimm námskeiðum til endurmenntunar atvinnubílstjóra á hverju fimm ára gildistímabili ökuréttinda. Hver einstaklingur má aðeins taka hvert námskeið einu sinni á fimm árum. Sjá nánar um endurmenntun atvinnubílstjóra: Samgöngustofa-endurmenntun atvinnubílstjóra
Að þekkja hvernig ganga á frá farmi af öryggi og festa mismunandi tegundir farms.
Að þekkja reglur um notkun farm- og fylgiskjala sem krafist er í flutningum bæði innanlands sem og á milli landa.
Kóði er verður sendur til þátttakenda sem er notaður til að skrá sig á námskeiðið hjá Ökulandi.
Vefnám - hægt er að skrá sig hvenær sem er. Þátttakendur hafa 48 klst. til að ljúka námskeiðinu.
Þau sem ekki tilheyra aðildarfélögum eða eiga ekki rétt hjá samstarfssjóðum Starfsmenntar geta skráð sig hjá Ökulandi.
Án kostnaðar fyrir félagsfólk aðildarfélaga og samstarfssjóða