Góðar umræður skipta miklu máli í samstarfi. Þær hafa áhrif á hvernig ákvarðanir eru teknar, hvort fólk upplifir sig hlustað á og hversu auðvelt er að vinna saman að sameiginlegum markmiðum. Þó flestir fundir gangi ágætlega er oft hægt að gera þá markvissari og innihaldsríkari.
Á þessu námskeiði er farið yfir hvernig skapa má betri umræðu á fundum og í teymum. Fjallað er um hvað styður opið samtal, hvernig hægt er að takast á við ágreining á uppbyggilegan hátt og hvaða einföldu aðferðir geta hjálpað hópum að taka betri ákvarðanir. Einnig er skoðað hvernig hegðun, hlutverk og framsetning geta haft áhrif á umræðuna og niðurstöðuna.
Áhersla er lögð á hagnýtar leiðir sem auðvelt er að yfirfæra á daglegt starf. Þátttakendur fá verkfæri sem styðja við skýrari samskipti, virkari þátttöku og betra samstarf í teymum og á fundum.
Að þátttakendur geti stýrt og haft betri og skemmtilegri fundi
Að geta öðlast meiri árangur í samstarfi
Að geta fengið aukna færni í að leysa ágreining
Að öðlast meiri starfsánægju
Hagnýt verkefni, umræður og einfaldar æfingar þar sem þátttakendur prófa aðferðir sem nýtast í raunverulegum aðstæðum. Unnið er bæði einstaklingslega og í hópum með áherslu á virka þátttöku og yfirfærslu á eigið starf.
Skráningu lýkur tveimur virkum dögum áður en námskeið hefst
Án kostnaðar fyrir félagsfólk aðildarfélaga og samstarfssjóða