SSH | Skyndihjálp II, fyrir starfsfólk sem vinnur með fötluðu fólki

Hvað gerum við þegar ástand verður alvarlegt og krefst skjótari viðbragða?

Þetta námskeið dýpkar færni þína í skyndihjálp og styrkir öryggi í erfiðari aðstæðum.

Í starfi á heimilum fyrir fatlaða geta komið upp aðstæður þar sem skjót og rétt viðbrögð skipta miklu máli. Á þessu námskeiði byggir þú ofan á grunninn úr Skyndihjálp I og lærir að takast á við alvarlegri slys og áverka sem krefjast frekari viðbragða.

Farið er yfir hvernig bregðast á við losti, blæðingum, sárum, beinbrotum og brunasárum. Þú lærir að meta aðstæður, forgangsraða og veita fyrstu hjálp á öruggan og markvissan hátt. Einnig er lögð áhersla á að halda ró og veita einfaldan sálrænan stuðning þegar á reynir.

Námskeiðið byggir á skýrum og hagnýtum aðferðum sem auðvelt er að yfirfæra á daglegt starf.

Umræður, fyrirlestur og verklegar æfingar.

Skráðir þátttakendur eru vinsamlegast beðnir um að láta vita ef þeir sjá ekki fram á að komast á námskeiðið. Hægt er að afskrá sig á Mínar síður eða hafa samband við skrifstofu Starfsmenntar.