Hvernig bregðumst við þegar aðstæður verða spennuþrungnar eða ógnandi?

Þetta námskeið gefur þér hagnýt verkfæri til að halda ró, fyrirbyggja átök og bregðast við á öruggan hátt.

Að geta varið sig án þess að valda skjólstæðingi skaða ef til árásar kemur. Að geta gert grein fyrir einkennum hegðunar sem getur leitt til árása og ofbeldis. Að geta stýrt skjólstæðingum í árásarham aftur í jafnvægi.

Í starfi á heimilum fyrir fatlaða geta komið upp aðstæður sem krefjast yfirvegunar og skýrra viðbragða. Mikilvægt er að geta lesið í aðstæður, greint merki um vaxandi spennu og brugðist við áður en átök myndast.

Á þessu námskeiði lærir þú að þekkja hegðun sem getur leitt til átaka eða ofbeldis og hvernig hægt er að bregðast við á rólegan og öruggan hátt. Farið er yfir leiðir til að draga úr spennu og styðja einstakling til jafnvægis, með áherslu á virðingu og öryggi allra.

Einnig er fjallað um einfaldar og öruggar varnarleiðir sem hægt er að beita ef aðstæður krefjast þess.

Skráðir þátttakendur eru vinsamlegast beðnir um að láta vita ef þeir sjá ekki fram á að komast á námskeiðið. Hægt er að afskrá sig á Mínar síður eða hafa samband við skrifstofu Starfsmenntar.